CUENTO DE NAVIDAD (Encapsulando a Dickens)

Scrooge jauna agure zeken eta marmartia da. Ez du errukirik ez karitaterik ezagutzen, izaera garratza du eta bihotz gogorrekoa da, Gabonak iristen direnean ere biguntzen ez den harria bezalakoa. Laster hiru espirituren ustekabeko bisita jasoko du, bere haurtzarora, orainera eta etorkizunera bidaia argigarri batean lagunduko diotenak. Orduan deskubritutakoak bizitza aldatuko dio.

«Badira barrutik betiko aldatzen gaituzten istorioak, nirea hau da, Charles Dickensen «Cuento de Navidad» Ipuina. Urte batean, amona Jacintak erabaki zuen liburua Gabon gaueko afariaren aurretik irakurriko genuela, eta konturatu gabe familiako tradizio bihurtu zuen. Orain nik kontatuko dizuet Scroogeren istorioa. Hori egiteko mekanismo harrigarri bat asmatu dut nire tailerrean eta prest dagoela uste dut, edo ia …», adierazten du Vera González, eszenatokira igoko den aktoreak.