Denok gogoratzen dugu noiz ihes egiten zigun baloiak hormaren gainetik eta noiz gelditzen zen beste aldetik.

Goiz batean, beste aldeko biztanleek baloi bitxi bat aurkitu zuten beren lurraldean. Ez zen beren baloiak bezalakoa, ez materia ez kolorea, ez zuen markarik. Nondik zetorren? Beste aldetik.

Ikuskizun honek hormak, hesiak, adreiluak eta zubi bat ditu hizpide. Mugen metafora bat da, ikusgarriak zein ikusezinak. Gure pertsonaiak bidaiari ausartak dira, bidaiatzeko eta bidaiari izateko mugimendu horretan murgilduta.

Bi aldeetan, pertsonaiak elkar bilatzen dira, jolasten dute, elkarren beharra dute, ilusio eta beldur berberak partekatzen dituzte. Eta, batez ere, proiektu komun bat dute: hormako harri horiekin, zubi bat eraikiko dute.